موقع الشاعر ايهاب المالكي

اهلابك عزيزي الزائر انته غير مسجل لدينا يشرفنا انضمامك الى موقعنا المتواضع لكي نتمكن من مراسلتك ...ستصلك روابط لتحميل قصائد الشاعر فقط تفضل بالتسجيل ... .

شعر شعبي عراقي


    للعراق .. آخر ما كتبت

    شاطر

    حيدر الطباطبائي
    عضومميز
    عضومميز

    عدد الرسائل : 10
    العمر : 32
    تاريخ التسجيل : 16/07/2011

    للعراق .. آخر ما كتبت

    مُساهمة  حيدر الطباطبائي في الجمعة أغسطس 12, 2011 1:03 pm

    اذا تسأل عليه الكون يعرفني
    ميزان الأصاله اتحير بوزني
    أنه اسمي اختزل كل قصة التاريخ
    اختصرتني القوافي اعراق سمتني
    أنه جنة الباري الصاغها اعله الكاع
    ومحضر دليلي .. لليحاججني
    وثيقه من الحقيقه وخاتم التاريخ
    لحد يوم القيامه حسين حاضني
    نزيه من الدنس منا ليوم الدين
    لأن دم الحسين الغالي طهرني
    ***
    تتعنه البشر تكصد لبيت الله
    وتصرخ : " من جهنم ربي خلصني "
    حته بيوم الآخر تشفعلها هناك
    وتكله الهي اغفرله مو حجني
    وأنه كعبة حسيني بكربله تنطاف
    وبثمانين حجة المره يوصلني
    ووحكك مو شرط يوصل لحد الباب
    اذا النيه سليمه من البعد .. تغني
    وأنه أشرف وطن .. وابقه اتّباهه بهاي
    لأن رب العباد هواي كرمني
    جانت كاعي ميته ورد حياهه انوب
    من ابجسم حيدر قبل يدفني
    ما ضميت حيدر .. حيدر اسمه جبير
    و آنه الحاء اسمه ما وصل متني
    ولأن حيدر خليج وآنه وسع كلاص
    لذلك ما وسعته وهوه ضمـّـني
    ***
    وبعد بيه مزايا هواي لو عديت
    واذا اعدهن يتيه ابحسبتي العد
    اذا عندك قضيه وتمر كصاد
    أكضيها كبل ما الطرف يرتد
    ولاتحجيها الي .. سولف للتراب
    تلكه اترابي جوه الجدم يرعد
    ولاتعجب ولا اتكله اشبلاك اشبيك
    اذا شفت اهتزازه ابسرعه يشتد
    هاي الغيره زارعها البطل عباس
    لذلك ماكو حاجه بكاعي تنرد
    بس ويه الطلب من تكصد العباس
    حلفه ابدمع زينب والستر الانهد

    ***

    الوكت خذني واعذروني الكلام يطول
    لجن عندي نصيحه ورايد احجيها
    اذا رايد تتوب وللبراك اتعود
    يم راس الكفيل التوبه انويها
    وحلفه بألم سكنه بيوم شح الماي
    وكله التوبه حاجه .. وانه تكضيها
    وحكك ما يردك .. جرب انته وشوف
    واذا حصتك جهنم والله يطفيها
    avatar
    مجنون الغرام
    عضومميز
    عضومميز

    عدد الرسائل : 12
    العمر : 28
    تاريخ التسجيل : 24/07/2011

    كلمات وزنها من ذهب

    مُساهمة  مجنون الغرام في الجمعة أغسطس 12, 2011 3:43 pm

    كلام جميل اخي ابداع اكبر ان شاء الله

    مجنون الغرامm

    حيدر الطباطبائي
    عضومميز
    عضومميز

    عدد الرسائل : 10
    العمر : 32
    تاريخ التسجيل : 16/07/2011

    رد: للعراق .. آخر ما كتبت

    مُساهمة  حيدر الطباطبائي في السبت أغسطس 13, 2011 7:26 am

    مرورك الاروع عزيزي نورت القصيده

    زائر
    زائر

    رد: للعراق .. آخر ما كتبت

    مُساهمة  زائر في السبت أغسطس 13, 2011 3:08 pm

    الله قصيده رائعه وجميله
    وتحمل صور شعريه شفافه
    موفق حبيبي بأذن الله
    لا تحرمنا من جديدك
    تقبل تحياتي

    ammira
    عضومميز
    عضومميز

    عدد الرسائل : 5
    تاريخ التسجيل : 23/08/2011

    رد: للعراق .. آخر ما كتبت

    مُساهمة  ammira في الأربعاء أغسطس 24, 2011 12:49 am

    سلمت يمناك اخي حيدر على هذه الكلمات الرائعة جدا

    وفقك الله والى رائعة اخرى

    flower flower flower

      الوقت/التاريخ الآن هو الإثنين يوليو 23, 2018 1:34 am