موقع الشاعر ايهاب المالكي

اهلابك عزيزي الزائر انته غير مسجل لدينا يشرفنا انضمامك الى موقعنا المتواضع لكي نتمكن من مراسلتك ...ستصلك روابط لتحميل قصائد الشاعر فقط تفضل بالتسجيل ... .

شعر شعبي عراقي


    مو كلها اصدقائك التمشي وياك

    شاطر
    avatar
    كرارحاجه
    عضومميزا جدا
    عضومميزا جدا

    عدد الرسائل : 123
    تاريخ التسجيل : 16/03/2011

    مو كلها اصدقائك التمشي وياك

    مُساهمة  كرارحاجه في السبت يونيو 04, 2011 5:31 pm

    يصح مرات بيك لسانك يكون
    وعمر يمكن تخسرك زلة لسان
    ..
    لا تامن درب ما ساحكه جدام
    على دروب الامانه تشوف نيشان
    ..
    وليغرك حسن حلوة الفراشات
    ولكن بس تكضها تبيع الالوان
    ولتغرك جبال مناطحه الغيم

    لاخير بجبل يطغي على وديان
    ..
    يعجبني البخور يعيش بالموت
    يثبت طيبته شما ينطي دخان
    ..
    ويعجبني الجرف لو زاعله الماي
    يتفطر صبر ما كال عطشان
    ..
    تره خطية الجكارة تضحي بالروح
    وعكب ماتحترك نشمرها طغيان
    الذيابه اهل الغدر سموهم الناس
    وعليهم بالغدر ماعندي برهان
    ..
    منو البينه الضحية الماكله الذيب
    احنه انسان صاير ياكل انسان
    ..
    ذكية النار عاشت رافعه الراس
    تحرك ماتجامل كان من كان
    ..
    وأهي الشي الوحيد الماخسر يوم
    لان ما فضلت تمشي ويه صحبان
    ..
    ليش الغيم يفتر ما اله مجان
    وخلص رحال عمره وما اله مجان
    لان يدري الحمم تبدي من الاطراف
    ولهذا السبب ماراد جيران
    ..
    تمسكت شكثر بصحاب الي هواي
    بكثر تضحيتي الهم هسه ندمان
    ..
    لهات انه وتبينو صحبتي الموس
    اثاري انه خسرت والموس ربحان
    غير الموت كلي شيعزف السيف؟
    وجعلت الاله نحري ورايد الحان
    ..
    شتسمع من لحني ياصاحبي شبيك؟
    تخيل سيف يعزفله على شريان
    بعد ماصير حنه اثبت بالجفوف
    لان من سوء حضي الحطني فرحان
    ..
    وتخيل كيف يمه وصفكته شلون
    وعلي صفكاته كلهن نفس المكان
    ..
    راح من الصخر انحتلي دلال
    واجفن كلبي واتعنه على دفان
    واكله تبدلت كل الموازين
    السفينه يصير تمشي بدون قبطان
    واكله تبدلت كل الموازين
    الدليل الناي يحجي وما اله لسان
    ..
    واكله العنده غيره الافضل يموت
    لان كلش جريمه تغلبه غلمان

    avatar
    كاسر ألاشواك
    مشرف

    عدد الرسائل : 1450
    العمر : 30
    الموقع : بغداد/ألكاظميه
    تاريخ التسجيل : 13/11/2010

    رد: مو كلها اصدقائك التمشي وياك

    مُساهمة  كاسر ألاشواك في الأحد يونيو 05, 2011 11:20 am

    عاشت ألايادي أخ كرار

    دوم هذا ألابداع يارب


    تــــ ح ـــياتي ألك


    _________________


    ألحنين بكلبي ألك
    كولي عني أشبدلك رحت من ايديه
    ألزعل ليش ألزعل
    مو كنه أحلى من ألعسل
    درجع أليه
    اليه

      الوقت/التاريخ الآن هو الجمعة أغسطس 17, 2018 8:56 am