موقع الشاعر ايهاب المالكي

اهلابك عزيزي الزائر انته غير مسجل لدينا يشرفنا انضمامك الى موقعنا المتواضع لكي نتمكن من مراسلتك ...ستصلك روابط لتحميل قصائد الشاعر فقط تفضل بالتسجيل ... .

شعر شعبي عراقي


    قصيدة الشاعر الكبير جبار رشيد (خذني يمك)

    شاطر

    زائر
    زائر

    قصيدة الشاعر الكبير جبار رشيد (خذني يمك)

    مُساهمة  زائر في السبت فبراير 26, 2011 7:20 pm

    خذني يمك بعد ماضل كل عذر لاتعتذر

    ليل عمري وعمرك مخلص بعد مابيه صبر

    خل نلم احلامنه وناخذ صورهن قبل لاياخذهن ابدربه الفجر

    وخل نلم الباقيات سنيني وسنينك نسويهن عمر

    وهنه ميكفن عمر؟؟

    ونبدي من جده وجديد بواهس سنين الصغر

    ولو وازانه الكبر

    خل تمشي ايامنه بخطوة العاقل من عثر مره ورجع يمشي حذر

    وخل نعيش الحب ستر

    خل نظم ارواحنه ابيناتنه وي اسرارنه وما نشتهر

    وأفتخر بيه وي روحك وآني وي روحي اضل بيك افتخر

    خل نسوي العشره ورقه

    ونصنع من الدمعه والضحكه حبر

    حتى كل لحظه التمر بالجاي نكتبها شعر

    وخل نكول الماضي غلطه وذنب يسجل ذنب من ينذكر

    حبني لاتضل تعتذر

    حبني واجبرني على حبك؟ الروح ماتعشك لون ماتنجبر

    السيف ماينهاب لوماكو الطبر

    حبني لاتضل تعتذر

    واعترف راح اعترفلك

    واحنه شو نفس الامر!!

    اثنينه انبعنه بسعر جوه السعر

    اثنينه انبكنه حدر شمس الظهر

    اثنينه السجين تانتنه نذر

    اثنينه اتوهمنه بالحب ننتصر

    اثنينه انعاني الغدر

    واعترف راح اعترفلك

    كلبي جان شكد جسر

    وآنه جتفت الجسر

    وآنه وزيت الحمامه على النسر

    واسمع السر الخطر

    صنم؟ سويته ابديه وادري ماينفع يظر!

    وحاطه كبالي وعجيبه الشوك

    من عنده انتظر

    وانته مثلي بهل أمر

    صنم سويته بديك شتنتظر

    خل نهدم اصنامنه وكافي الكفر

    وبالكي نهده ونستقر

    وبلكت وياك وانه وياي استمر

    وبلكت المامر كبل هسه يمر

    وبلكت جناح العشك لبعيد ياخذنه ويفر

    ونترك الممنوع والميصير

    خل نغط بلماي من صرنه جمر

    وبلكي نصحه من السكر

    خذني يمك كبل لايخلص صبرنه

    ويطفه دم وجوهنه وتطلع صفر

    خذني يمك كبل لاينحك ذهبها اطباعنه وتطلع صفر

    خذني يمك كبل لا يم الصفر ينحط صفر
    avatar
    كاسر ألاشواك
    مشرف

    عدد الرسائل : 1450
    العمر : 30
    الموقع : بغداد/ألكاظميه
    تاريخ التسجيل : 13/11/2010

    رد: قصيدة الشاعر الكبير جبار رشيد (خذني يمك)

    مُساهمة  كاسر ألاشواك في السبت مارس 19, 2011 5:30 am

    حبني لاتضل تعتذر

    حبني واجبرني على حبك؟ الروح ماتعشك لون ماتنجبر

    السيف ماينهاب لوماكو الطبر

    حبني لاتضل تعتذر

    واعترف راح اعترفلك

    واحنه شو نفس الامر!!

    اثنينه انبعنه بسعر جوه السعر

    اثنينه انبكنه حدر شمس الظهر

    اثنينه السجين تانتنه نذر

    اثنينه اتوهمنه بالحب ننتصر

    اثنينه انعاني الغدر

    واعترف راح اعترفلك

    كلبي جان شكد جسر

    وآنه جتفت الجسر

    وآنه وزيت الحمامه على النسر

    واسمع السر الخطر




    حياك ألله حبي مقدام على النقله ألرائعه

    وسلمت ألانامل ياغالي

    كلمات غايه وروعه في ألجمال

    تـــ ح ـــياتي وأمتناني ألك


    _________________


    ألحنين بكلبي ألك
    كولي عني أشبدلك رحت من ايديه
    ألزعل ليش ألزعل
    مو كنه أحلى من ألعسل
    درجع أليه
    اليه

      الوقت/التاريخ الآن هو الثلاثاء مايو 22, 2018 3:45 pm