موقع الشاعر ايهاب المالكي

اهلابك عزيزي الزائر انته غير مسجل لدينا يشرفنا انضمامك الى موقعنا المتواضع لكي نتمكن من مراسلتك ...ستصلك روابط لتحميل قصائد الشاعر فقط تفضل بالتسجيل ... .

شعر شعبي عراقي


    ياللاسف ..حمزه الحلفي

    شاطر

    زائر
    زائر

    ياللاسف ..حمزه الحلفي

    مُساهمة  زائر في الأحد فبراير 20, 2011 11:44 am

    ياللأسف جان اختيار غلط الصوج صوج الكلب
    يا للأسف انة انكسر ومن طرف واحد احب
    معقولة احب ومن طرف واحد احب
    وين العدل وانت تنام الليل وعيوني بسهر ليل الشتا الكلش صعب

    بس انت مو غلطان ماعندك ذنب عندي الذنب
    جان من الاول من عرفت عيونك المابيهة شوك ودمعتك تنزل جذب
    معقولة احب ومن طرف واحد انة احب

    يمكن تغثني حدود صبري وياك من جنت بحلم
    ويمكن جنت مامستقر وحبيتك بعيني اسم
    ويمكن كلامك جابني المعسول ياطعم الشكر علكتك بروحي رسم

    جنت اغسل عيونك حديقة بيت سبحهة المطر
    ولو يمر من يمك عطش اوكفلة كدامك نهر
    يل شايل بصدرك صخر واكثر بعد من الصخر
    يل شربتني شكد قهر كاسات مرة من القهر
    وانت وانت ولة اببالك ثلج بردان كلبك مو بشر

    جان عذرتني وجاملتني وصبرتني بكلمة منك تجبر بحجيك الخاطر
    وحدة وحدة وعلى كيفك حتى انسى وامسح بروحي المشاعر
    مو تثور وياي صارحتك بحبي ووصلت حبي الك باحساس شاعر

    ليش تزعل حبي الك ماهو حرام
    حبي الك شمس الله كلهة شككت ثوب الظلام
    وياسلام شلون ردك جان سيفك ياسلام

    من كلتلي الفارق البيناتنة كلش صعب
    والمسافة التفصلني عنك وحتى لو افكر احبك ماكو بكلبي درب
    روح وفر تعب كلبك وابقى احلم هواي احسن من طرف واحد تحب

    معقولة احب ومن طرف واحد احب
    معقولة احب ومن طرف واحد احب

    اتوجة1988
    مراقبه ومشرفه عامــــــــــــه
    مراقبه ومشرفه عامــــــــــــه

    عدد الرسائل : 309
    العمر : 29
    الموقع : بغداد
    تاريخ التسجيل : 11/02/2010

    رد: ياللاسف ..حمزه الحلفي

    مُساهمة  اتوجة1988 في الأحد فبراير 20, 2011 4:36 pm

    اللـــــــــــــــــــــــــــــــه عليك يامقدام

    زائر
    زائر

    رد: ياللاسف ..حمزه الحلفي

    مُساهمة  زائر في السبت فبراير 26, 2011 6:55 pm

    شكــــــــــــــــــــرآ لكٍ اتوجه الورده
    حقيقتآ منوره بردودك الجميله
    تقبلي تحياتي الحاره ه ه Embarassed

      الوقت/التاريخ الآن هو الأربعاء أكتوبر 17, 2018 7:20 am