موقع الشاعر ايهاب المالكي

اهلابك عزيزي الزائر انته غير مسجل لدينا يشرفنا انضمامك الى موقعنا المتواضع لكي نتمكن من مراسلتك ...ستصلك روابط لتحميل قصائد الشاعر فقط تفضل بالتسجيل ... .

شعر شعبي عراقي


    اوزان الشعر الشعبي مع التفعيلات ....

    شاطر

    نورة
    مشرفة عامة على المنتديات
    مشرفة عامة على المنتديات

    عدد الرسائل : 235
    العمر : 33
    تاريخ التسجيل : 19/03/2010

    اوزان الشعر الشعبي مع التفعيلات ....

    مُساهمة  نورة في الأحد ديسمبر 05, 2010 2:42 pm

    الى شعرائنا ألأفاضل ورواد منتدى الشعر الشعبي
    أضع بين أيديكم الأوزان الكامله للشعر الشعبي مع تفعيلاته
    ولغرض الأستفاده
    مع التقدير

    (( اوزان الشعر الشعبي العراقي ))

    1- التجليبه

    مفاعيلن – فعولن_ فاعلن_ فعل @ مفاعيلن – فعولن_ فاعلن_ فعل
    مثال من الشعر
    ردت اكتب فرح والچلمه صاحت اه @ خل حبرك نزف ها بالك تخرب
    ـــــــــــــــــــــــــــــ


    2- النصاري والابوذية

    كلاهما من بحرالوافر وبغض النظرعن التركيب الفني لكلاهما فان اوزانهما كالاتي :
    اولا- مفاعيلن – مفاعيلن – مفاعيل
    ثانيا – مفاعيلن – مفاعيلن – فعولن
    ثالثا- مفاعيلان – مفعولان – فعلن
    رابعا – مفاعيلن – مفاعيلان – فعلن
    خامسا- مفاعيلن – مفاعيلن – فعولان
    سادسا – مفاعيلان – مفعولان –فعلان
    سابعا – مفاعيلان – مفعولن – فعولان
    ثامنا – مفعولان – مفعولان – فعلان
    تاسعا – مفاعيلن – مفاعيلان – فعلان
    عاشرا – مفاعيلان – مفعولن – فعولن
    *ملاحظة /- غالبا ماتنظم الابوذية على الاوزان اولا وثانيا وخامسا اعلاه.
    وقد يستبعد الوزن سادسا اعلاه الى حد ما في نظم الابوذية .
    غالبا ماينظم النصاري على الاوزان ثانيا وخامسا وسادسا وتاسعا
    مثال من الشعر
    احب غيرك تريد اتغرب شلون غريب الورد باحضان السنادين
    ــــــــــــــــــــــــــــ


    3- الموشح
    أو الرمل

    فاعلاتن – فاعلاتن- فاعلات @ فاعلاتن – فاعلاتن- فاعلات
    مثال من الشعر
    يل خذت عمري عله جفوفك وفه @ وعاهدت كلبي تجازيه بوصال

    ــــــــــــــــــــــــــــــ

    4- العگيلي
    او المتدارك

    فعلن _ فعلن _ فعلن @ فعلن _ فعلن _ فعلن
    مثال من الشعر
    راح ارسم فد واحد يضحك @ واتخيل هالواحد اني
    ـــــــــــــــــــــــــــــ


    5- النايل

    مستفعلن – فاعلن- مستفعلن –فاعلن مستفعلن – فاعلن
    مثال من الشعر
    اوگف قلم بي حبر

    واگعد ورق ينتظر
    بس ما اجه السياب
    ـــــــــــــــــــــــــــــ


    6- الميمر

    مستفعلن –مستفعلن –مفعولن @ مست
    فعلن –مستفعلن –مفعولن
    مثال من الشعر
    يالزهره ضلعچ للجنان اتوسد @ بترابهه الماضن مشه عليه احد

    وهناك ايضا الميمر الذيل
    مثال من الشعر
    يل علهجر والصد تعلم كلبج ..... مليت حبج
    ـــــــــــــــــــــــــــــ


    7- الشبگهه

    فاعلاتن- فاعلاتن- @ فاعلاتن- فاعلاتن
    مثال من الشعر
    ما اصدگ عين غيري @ وبس اصدگ عيني
    ـــــــــــــــــــــــــــــ


    8- چلمه ونص

    مستفعلن – مستفعلن – مستفعلن- مستفعل
    مثال من الشعر
    الي حضه بوصلك حضه @ والما حضه ياوالحض
    ــــــــــــــــــــــــــــــ


    9- المجرشه

    مستفعلن –مستفعلن – مستفعلن مفعولن @ مستفعلن –مستفعلن – مستفعلن مفعولن
    مثال من الشعر
    ماريد وصلك يالتفز @@ لمن يمر طارينه

    فز جرحي من شافك لان @@ شافك وجه سچينه
    ـــــــــــــــــــــــــــــــ


    10- المربع البغدادي

    مستفعلن مفعولات @ مستفعلن مفعولات
    مثال من الشعر
    صار الصبح گوم انام @ خافن ينمنه النمام
    ــــــــــــــــــــــــــــــ


    11- المثمن

    مستفعلاتن فاعلن فعلن @ مستفعلاتن فاعلن فعلن
    مثال من الشعر
    الشيب يطلع من زغر باليهم @ اوحدة قياس الشيب مو بالعمر
    ــــــــــــــــــــــــــــــ


    12- الحدي

    مستفعلن –مستفعلن – مستفعلن – مستفعلن
    مثال من الشعر
    ارد احدي عالراحو حدي @ وابچي بدمع دم وحدي
    ـــــــــــــــــــــــــــــــ


    13- النبطي او الركباني

    مستفعلن –فاعلاتن – فاعلاتن @ مستفعلن –فاعلاتن – فاعلاتن
    مثال من الشعر
    يهل رجايب منين الوين لافين @ لنتم عليكم زين لاشين خافي
    ـــــــــــــــــــــــــــــ


    14- النعي

    مستفعلن –مستفعلاتن @ مستفعلن –مستفعلاتن
    مثال من الشعر
    دني وسادچ لي وسادي @ ودني وساد الغرب غادي
    ـــــــــــــــــــــــــــــ


    15- الهوسه

    على خمسة اوزان
    الاول-مستفعل فعلن فعلان
    مثال من الشعر
    عطشانه اجروحك مولانه
    الثاني- فعلن فعلن فعلن فعلن فعلن مفعولات
    مثال من الشعر
    گص عباس چفوفه خاطر عگبه تودي الماي
    الثالث- فعلن مفعولات فعلن فعلن فعلن
    مثال من الشعر
    صارن سجداته سيف حسين البطف
    الرابع مفعولن فعلن مفعولن
    مثال من الشعر
    يداويهه الجروح بشوفه
    الخامس فعلن فعلن مفعولن
    مثال من الشعر
    بيدك حنطه وداريهه


    ـــــــــــــــــــــــــــــــ

    16- المذيل

    مستفعلن – مفعولات – مستفعلن
    مثال من الشعر
    درب الهوة سين ولام تحت الدرك
    ـــــــــــــــــــــــــــــــ


    17- السريع
    بحرٌ سريعٌ ماله ساحلُ
    مستفعلن مستفعلن فاعلُ

    مستفعلن –مستفعلن –فاعلُ @ مستفعلن –مستفعلن –فاعلُ
    مثال من الشعر
    ياطير ودي للحبايب سلام @ ذكرهم اباحلى ليالي الغرام

    أو
    سلم عليه بطرف عينه وحاجبه @ أده التحيه وزين يعرف واجبه
    ــــــــــــــــــــــــــــــــ


    18- الفائزي

    مستفعلن – مستفعلن –مستفعلاتن
    مثال من الشعر
    انطيت الك من سافرت روحي وحياتي
    ــــــــــــــــــــــــــ


    19- سافرت

    مستفعلن – مفعولات – مستفعل – فعل
    مثال من الشعر
    عِشرة الكضيناها وياك @ موسهلة ننساها
    ــــــــــــــــــــــــــــــــ


    20- الطردي

    مستفعلن – فاعلات – مستفعلن – فعل
    مثال من الشعر
    تزعل عليه شلون @ باول صباح العيد
    ـــــــــــــــــــــــــــــــــ


    21- المترادف

    مستفعلن – مستفعلن – مستفعلن – مفعولات
    مثال من الشعر
    احتار اذا رديت الي @ ومن ماترد لية احتار
    ـــــــــــــــــــــــــــــــــ


    22- انا فتحنا

    مستفعلن – فاعلن – مستفعلاتن
    مثال من الشعر
    كل يوم اكول انتظر بلكت تجين
    ــــــــــــــــــــــــــــــــــ


    23- خايف عليهه
    أو المقاصير

    مستفعلاتن – مستفعلاتن
    مثال من الشعر
    خايف عليهه – ولهان بيهه
    ـــــــــــــــــــــــــــــــــ


    24- المنكل

    مفعولات –مستفعلات @ مفعولات –مستفعلات
    مثال من الشعر
    اباب البيت ظل اشهور @ عطرك سحرنه وبيته يدور
    ـــــــــــــــــــــــــــــــــ


    25- الشيالة

    مستفعلن –مفعولن – مستفعلن –مفعولن
    مثال من الشعر
    جنك ردت تنساني - وهلضيعت عنواني
    ـــــــــــــــــــــــــــــــــ


    26- الكصيد

    فاعلاتن –مفعولن –فاعلن @ فاعلاتن –مفعولن –فاعلن
    مثال من الشعر
    يلي طحت مذبوح بطف كربلة – جينة نواسيك ونلعن حرملة
    ـــــــــــــــــــــــــــــــــ


    27- الهجيني

    مستفعلن –فاعلن –فعلن @ مستفعلن –فاعلن –فعلن
    مثال من الشعر
    يل بيك الف رحمة علينه @ مروتك تمر مره بينه
    ـــــــــــــــــــــــــــــــــ


    28- الغجري

    مستفعلن - فاعلات – مستفعلن – فعولن
    مثال من الشعر
    يالبل هجر راضيات @والروحي ما تريحن
    ـــــــــــــــــــــــــــــــــ


    29- عزيز الروح

    فاعلن – فعلن –فاعلن –فعلن
    مثال من الشعر
    ما جزت منك @ جروحي شالتك
    ــــــــــــــــــــــــــــــــ


    30- ازريزر

    فعلن – مفعولن –مستفعلن
    مثال من الشعر
    هجرك خلاني بحيرتي
    ـــــــــــــــــــــــــــــــــ


    31- المنسجم

    مستفعلن –مستفعلن –مستفعلن –فعل
    مثال من الشعر
    يامهجتي ويا منيتي يامن الك روحي
    ـــــــــــــــــــــــــــــــــ


    32- المفتون

    مستفعلن - مفعولات- مستفعلن –مفعولن
    مثال من الشعر
    شوف اللذي ربيناه @@ وبين الجفون اتغطه
    ـــــــــــــــــــــــــــــــــ


    33- البحراني

    مستفعلن – فعولن –فعلن
    مثال من الشعر
    يامهجتي وعيني وروحي
    ـــــــــــــــــــــــــــــــــ


    34- الورد

    مستفعلن – مستفعلن – مستفعلن
    مثال من الشعر
    لمن تكف يوم الحشر لاتنذهل
    ــــــــــــــــــــــــــــــــــ


    35- الطويل

    مفاعيل - مفاعيل – مفاعيل – مفاعيل
    مثال من الشعر
    تشب روحي ويطفيها @@ هجركم لاتحاجيها
    ــــــــــــــــــــــــــــــــــ


    36- الشموس

    فاعلاتن – فاعلاتن – فاعلن – مفعول
    مثال من الشعر
    ما اريدك من تجيني الوحدك مجبور
    ــــــــــــــــــــــــــــــــــــ


    37- خدري الجاي

    فعلن فاعلاتن @ فعلن فاعلاتن
    مثال من الشعر
    خدري الجاي خدريه @عيوني المن اخدره
    ـــــــــــــــــــــــــــــــــ


    38- النوى

    مفاعيلن – مفاعيلن – فعل @ مفاعيلن – مفاعيلن – فعل
    مثال من الشعر
    هلك شالو على حمص ومشوا @ وما شالوا لهم فينا الهوى
    ــــــــــــــــــــــــــــــــــ


    39- الموال او الزهيري
    مستفعلن –فاعلن – مستفعلن –فاعلن
    مثال من الشعر
    يالدنيتك هسه الك گمت عله اخيك تمر


    ــــــــــــــــــــــــــــــــــ


    40- الدارمي

    مستفعلن _فعلان _مستفعلاتن مستفعلن _فعلان _مستفعلاتن
    مثال من الشعر
    صحره وعطش بالروح كمت أشرب دموع

    ومن ظلمت دنياك وجيت الضلوع
    ــــــــــــــــــــــــــــــــــ

    41- الحمولة

    مستفعلاتن – فعولن –فاعلن
    مثال من الشعر
    يبن الحمولة علية اشبدلك
    ـــــــــــــــــــــــــــــــــــ


    42- الموليا

    فعلان مفعولاتن فعلان مفعولن @ فعلان مفعولاتن فعلان مفعولن
    مثال من الشعر
    عالعين موليتين وياعين موليه @ جسر الحديد انگطع من الروحه والجيه


    ـــــــــــــــــــــــــــــــــــ
    اتمنى ان يستفاد الجميع

    avatar
    كاسر ألاشواك
    مشرف

    عدد الرسائل : 1450
    العمر : 30
    الموقع : بغداد/ألكاظميه
    تاريخ التسجيل : 13/11/2010

    رد: اوزان الشعر الشعبي مع التفعيلات ....

    مُساهمة  كاسر ألاشواك في الأحد ديسمبر 05, 2010 7:01 pm

    ألله مشكوره يانوره ألغاليه

    ومشكووووووره على ألاوزان ألشعريه

    عاشت الانامل

    تحياتي لكي


    _________________


    ألحنين بكلبي ألك
    كولي عني أشبدلك رحت من ايديه
    ألزعل ليش ألزعل
    مو كنه أحلى من ألعسل
    درجع أليه
    اليه
    avatar
    بارق
    عضومميزا جدا
    عضومميزا جدا

    عدد الرسائل : 218
    العمر : 30
    تاريخ التسجيل : 29/01/2010

    رد: اوزان الشعر الشعبي مع التفعيلات ....

    مُساهمة  بارق في الإثنين ديسمبر 20, 2010 8:06 pm

    مشكووووووووووره ياموبدعه
    avatar
    كاسر ألاشواك
    مشرف

    عدد الرسائل : 1450
    العمر : 30
    الموقع : بغداد/ألكاظميه
    تاريخ التسجيل : 13/11/2010

    رد: اوزان الشعر الشعبي مع التفعيلات ....

    مُساهمة  كاسر ألاشواك في الجمعة ديسمبر 24, 2010 5:00 pm

    حياج ألله نوره ومشكوووووووره على ماتقدامي من مواضيع مميزه

    تحياتي لكي


    _________________


    ألحنين بكلبي ألك
    كولي عني أشبدلك رحت من ايديه
    ألزعل ليش ألزعل
    مو كنه أحلى من ألعسل
    درجع أليه
    اليه

    موج البحر
    عضومميز
    عضومميز

    عدد الرسائل : 9
    العمر : 25
    الموقع : النجف الاشرف
    تاريخ التسجيل : 20/04/2012

    رد: اوزان الشعر الشعبي مع التفعيلات ....

    مُساهمة  موج البحر في الجمعة أبريل 20, 2012 8:15 am

    االله على هذا الابداع يا نورة

      الوقت/التاريخ الآن هو الجمعة أبريل 27, 2018 6:31 am