موقع الشاعر ايهاب المالكي

اهلابك عزيزي الزائر انته غير مسجل لدينا يشرفنا انضمامك الى موقعنا المتواضع لكي نتمكن من مراسلتك ...ستصلك روابط لتحميل قصائد الشاعر فقط تفضل بالتسجيل ... .

شعر شعبي عراقي


    بغداد وهي هكذا الان ......لاتقبل ان تكون الا بغداد

    شاطر
    avatar
    ايهاب المالكي
    عضومميزا جدا
    عضومميزا جدا

    عدد الرسائل : 252
    تاريخ التسجيل : 24/01/2009

    بغداد وهي هكذا الان ......لاتقبل ان تكون الا بغداد

    مُساهمة  ايهاب المالكي في الأربعاء فبراير 25, 2009 12:31 pm

    كبرت بالمساحه هوايه بغداد
    حتى ويالمدن ماتبقى فجوه
    كبرت وانتجه علجتافهه الطاح
    عكس اليكبر وتنحطلة تجوه
    جانت حلوه بس لاهسه موهيج
    لا بل هسه يمكن احلى حلوه
    احير ابينهه وبين الورد دوم
    ردت شكد اميز دون جدوه
    اهي مزروعه بي ؟لو هو مزروع ؟
    كلاهم من تجي من دجله يروه
    ولو باك القدر ضحكتهه بس لا
    من جف القدر خذناهه عنوه
    زلم طاحت وكلنه فدوه اليطيح
    كنه الموت حق والدنيه نزوه
    كالو زين اذ تتهاوه بغداد؟
    كلنه شلون ؟افه !ماكلنه فدوه
    هده بيهه الوضع مو بالنفط كون
    اضافه لعاصمه نسميهه ثروه
    خلتحجي الخوذ من زعلت اشصار
    اخذنه الحك تره ماخذنه عطوه
    صح مانختلف محتاجه الاعمار
    بس الالف خطوه تبدي خطوه
    لتكلي اليعمر الا بي حيل
    شسوي بحيله اذا ماعنده نخوه
    اكو سبعين عمره ويفزع وياك
    واكو عشرين بس تفزعه كوه
    بعد حتى الشعرمانقبل يكون
    اذا يوصف مشاهد بيهه قسوه
    انا بعازة قصيدة تعمرالطاح
    مامحتاجك تسمعني عبوه
    صح بيه جرح بس رايد انساه
    كدرت اتجاهله وخيطنه توه
    ماخيطته هيج براحت البال
    لا غصبن عليه خيطته كوه
    جرح تحيي من تشوفه الشواجير
    بس يموت اذا سمعته غنوه
    غنوه وكون غنوه بيهه بغداد
    وكون الشاعر ايغنيهه هوه
    لان الشاعر ايغنيهه بحساس
    وبالحساس القصيدة تطلع اقوه

      الوقت/التاريخ الآن هو السبت ديسمبر 15, 2018 5:01 am