موقع الشاعر ايهاب المالكي

اهلابك عزيزي الزائر انته غير مسجل لدينا يشرفنا انضمامك الى موقعنا المتواضع لكي نتمكن من مراسلتك ...ستصلك روابط لتحميل قصائد الشاعر فقط تفضل بالتسجيل ... .

شعر شعبي عراقي


    عين مارادت ضوه

    شاطر
    avatar
    ايهاب المالكي
    عضومميزا جدا
    عضومميزا جدا

    عدد الرسائل : 252
    تاريخ التسجيل : 24/01/2009

    عين مارادت ضوه

    مُساهمة  ايهاب المالكي في الخميس فبراير 05, 2009 1:42 pm

    عين مارادت ضوه وماكو نهار
    وعين حركت ليلهه اتدور ضوه
    وخيل عطشانه قطع بيهه الفرات
    وخيل حافرهه شرب دم وارتوه
    ونبله طاحت صوبت نحر الرضيع
    ودمعه حالا صبت وطاحن سوه
    الله واكبر يادمائك ياحسين
    دم رضيع الطاح ماشاله الهوه
    كل ملائكة السماء اتحاوطوه
    كبرو واهتزله عرش السماء
    ناده لاجله حسين والاف السنين
    ضل صدى ينادي شعظم ذاك النداء
    الله واكبر يادمائك ياحسين
    لاولاجفت بعد ذيج الدماء
    سيوف ليك اتحشمت معقولة بس ...
    شلون واحد ضدك ايسل سيفه
    والسيف ذاك الذابحك لوعنده عين
    جاافتر ومن شمر خذ حيفه
    احنه اذا نفرض جنت مولاي ضيف
    يااصيل ايصير يذبح ضيفه
    شلون بالماساندك في كربلاء
    شلون ضل يفرز شتاه من صيفه ؟
    شلون اذا طيفك يمر عينه بمنام ؟
    شلون من يكعد يسولف طيفه ؟
    سدي ...
    ناصبلك بروحي عزاء
    وليك كل يوم اليمر عندي اربعين
    الف مر وفوكهه اربعميت عام
    يالقضيتك ماتمض بيهه السنين
    انته موبس ثار
    موبس ثار لا بس كربلاء
    انته دمعه وخضرت بينه حنين
    وانته نصر الله نصر الله في كل العصور
    انطيت روحك بس خذت نصر مبين
    وانته مبدا وانه بي عندي اعتقاد
    وروحي الك كل العمر تكضيه ونين
    وانته اذا مرني همس طاريك اصيح
    الله واكبر يادمائك ياحسين
    الليل مارد الضوه يشوف الخيام
    الكاع نار اتصير اذا تبجي الشمس
    زينب وكافلهه والدم والحسين
    مذبحين تشوفهم وليان امس
    وحنة القاسم عجيبة كربلاء
    شلون بالدم قاتله يحني العرس


    عدل سابقا من قبل ايهاب المالكي في السبت يوليو 18, 2009 8:07 pm عدل 1 مرات

      الوقت/التاريخ الآن هو السبت ديسمبر 15, 2018 10:49 pm